Puesie

O. Friggieri

32 pages, parution le 28/10/2011

Ajouter à une liste

Expédié sous 9 jours

Livraison à partir de 0,01€ dès 35€ d'achats
Pour une livraison en France métropolitaine

QUANTITÉ

Résumé

Poésie en langue corse

Dichjarazione di u pueta

A ferita fundia chì ùn si sente
trà i mughji in piazza, è à l'insottu và à cresce,
u lagnu di l'acellu culpitu in celu
chì ùn sà da quale nè perchè, u sangue li corre,
u pientu di a donna ferita da l'amore,
u pientu di u maritu, matrimoniu di vite imprigiunate,
a fame di i famiti, u male di l'infermi,
u chjassu castigu di l'esiliati spaventati
avvicinendu si à e cunfine di a morte,
a perdita di quellu chì cade una ultima volta
trapanatu da sparate di brusgente spade,
schiavitù di l'avisi chjosi in cellula
per pate u bellu peccatu di e so mente,
e solitudine, e ferite, a fiacchezza
di quellu chì deve avanzà, chì inciampa
è si rialza turnendu à cascà sin'à a cima
duve l'aspetta una croce cun trè chjodi
- eccu cun chè si saldanu e rime di u pueta.
Per ammette chì u so fattu hè ghjustu,
u pueta accatasta inseme e parolle da duve
surgerà u focu chì li brusgerà e mane ;
u pueta coglie e parolle sposte è e sprime
sin'à à fà spuntà lagrime chì vanu à sguttà ;
u pueta trapana di cultella e parolle sin'à u core
sin'à spurgà u sangue à l'eternu.
S'è elle sò focu e so parolle, lagrime, sfogu di sangue
u pueta s'appacia è torna à scrive.